Contact
Doorstroomtoets Bonaire
Doorstroomtoets Bonaire

Pretèst 

Meta di pretèst

For di e promé mitar di aña 2026, bo skol lo usa e Doorstroomtoets Bonaire (Papiamentu, NVT i Aritmétika). A desaroyá e prueba, pero mester tèst e durante aña eskolar 2024-2025 serka bo alumnonan pa medio di un pretèst. Nos lo usa e kontestanan riba e preguntanan di e prueba huntu ku evaluashon di maestro i alumno riba e pruebanan i e eksaminashon, pa nos hasi e último adaptashonnan. E pretèst akí alabes ta duna skol un bon impreshon di kon e prueba ta i kon ta eksamin’é. Tambe kada skol ta risibí resultado di su alumnonan. Pa e abilidat Papiamentu, nos a hasi uso di e indikashon den e Kuadro di Referensia Papiamentu. E abilidat NVT ta basá riba e Kuadro di Referensia Oropeo anto e abilidat Aritmétika ta basá riba e Kuadro di Referensia Idioma i Aritmétika. 

Nederlands

Periodo di eksaminashon

Tin un periodo di eksaminashon: di 13 di novèmber te ku 20 di novèmber 2024. 

Planifikashon di e pruebanan 

tabel Doorstroomtoets Bonaire (Papiamentu)

E pruebanan di kada dia i e sekuensia di dia ta determiná kaba. Denter di e periodo di pretèst un skol por skohe kua ta e kuater dianan di prueba (p.e. djárason dia di prueba 1, djaweps dia di prueba 2, djaluna dia di prueba 3 anto djamars dia di prueba 4).

Si un alumno falta algun pregunta pa traha anto ya e tempu a kaba, bo por skohe pa duna e alumno èkstra tempu pa e finalisá e prueba. No tin tempu límite mará na e prueba. No por finalisá e prueba riba un otro dia.  

Guia pa preparashon i eksaminashon di e pretèst 

Naturalmente nos ta bai guia e skolnan ku preparashon i eksaminashon di e pretèst.  

Kolaboradónan di Bureau ICE lo ta presente na kada skol durante e pretèst. Nos a informá bo via e-mail tokante esaki. 
Gustosamente nos ta duna bo e oportunidat pa hasi tur bo preguntanan relatá na e eksaminashon durante un seshon virtual di mei ora dia 21 di òktober di 14.00 – 14.30 or (AST). Por fabor tuma kontakto ku nos sekretariado di proyekto na doorstroomtoets.bonaire@bureau-ice.nl.  

Prepará alumno pa e eksaminashon di e pretèst

Tambe nos ta sugerí pa un siman promé ku e eksaminashon di pretèst, pa wak e ehèmpelnan di prueba klasikalmente huntu ku bo alumnonan. Bo alumnonan por traha e pruebanan akí nan mes tambe. E ehèmpel di prueba ta konsistí di algun pregunta limitá ya asina e alumno por kustumbrá na e manera di hasi pregunta i kon ta kontestá.

Nesesario pa e eksaminashon 

  • Kòmpiuter (sala di kòmpiuter)  
  • ‘Headphone’ 
  • Papel di klat 
  • Buki di teksto (bo ta risibí esaki na komienso di e pretèst serka e kolaboradónan di Bureau ICE)  

Sekresía

Atenshon! No ta permití saka material di Doorstroomtoets Bonaire den publisidat. Esaki ta konta tantu promé komo despues di e pretèst. Un kolaboradó di Bureau ICE ta entregá e bukinan di teksto na skol i rekohé nan atrobe na final di e periodo di eksaminashon. Alumno no por bai kas ku e buki di teksto tampoko.